Тақырыптық

Оңтүстік Қазақстан облысы музейлері қорларынан ұйымдастырылған «Шырайлы Оңтүстіктің шежіресі» атты көрмесі

25 маусым-25 шілде 2010 ж.     Көрме 2008 жылдан бері жемісті өтіп келе жатқан «Алға ұмтылған Қазақстан» атты аймақаралық көрме жобасы аясында өткізілді.    Бұл көрмеге Оңтүстік Қазақстан өңірінің ғасырлар қойнауынан сыр шертетін тарихи, археологиялық, сәулет және бейнелеу өнерінің үздік жәдігерлері қойылған. Ұлы Жібек жолының бойында орналасқан Оңтүстік Қазақстан облысы көнеден сыр шертетін қалалар мен кенттерге, қорғандарға, түрлі мәдени ескерткіштер мен ғажайып сәулет өнерінің баға жетпес үлгілеріне өте бай.

«Ұлттар мәдениетін ұлықтаған мекен» атты көрме

11 қыркүйек - 8 қазан 2009 ж. Қостанай облысы музей қорларынан ұйымдастырылған «Ұлттар мәдениетін ұлықтаған мекен» атты көрме «Алға ұмтылған Қазақстан» атты аймақаралық көрме жобасы аясында ұйымдастырылды.       Қазақ ағартушылық тарихы, ұлттың зиялы қауымының өсіп-қалыптасуы Қостанай өңірімен тікелей байланысты. Шоқан Уәлиханов, Ыбырай Алтынсарин, мәдени құрылыстың белсенді қатысушылары мен қазақ мемлекеттілігі мұратының жаңа тұрпатты негізін салушылар Ахмет Байтұрсынов, Міржақып Дулатовтар - осы өңірден шыққан тұлғалар.

Беттер